EMRAT/ Ja kush janë të arrestuarit për tjetërsim pronash në Lezhë

Një tjetër skandal pronash ka tronditur qytetin e Lezhës, ku prokuroria dhe gjykata kanë firmosur 9 masa sigurie ndaj disa zyrtarëve lokalë, të përfshirë në tjetërsime pronash dhe abuzime me detyrën.

Operacioni u zhvillua pas një hetimi të gjatë, që ka zbardhur një skemë korrupsioni dhe manipulimi dokumentesh, ku përfshihen ish-drejtues të institucioneve publike, zyrtarë të kadastrës dhe një efektiv policie.

Mësohet se procedura e regjistrimit të pronave në zona me interes të lartë turistik është manipuluar për t’u kaluar pasuritë në mënyrë të paligjshme personave të caktuar, me mbështetjen e funksionarëve publikë.

Masat e dhëna nga gjykata janë si më poshtë:

• Pjetër Tuci, “arrest në burg”

• Gentian Malotai, ish-drejtor i Kadastrës, “arrest në shtëpi”

• Artur Shabaku, ish-shef i legalizimeve, “arrest në shtëpi”

• Artmir Maxhuni, zyrtar i Kadastrës, “arrest në shtëpi”

• Luiza Bala, “arrest në shtëpi”

• Hekuran Xhina, “arrest në shtëpi”

• Flor Gjini, ish-drejtor i IKMT, “ndalim i daljes jashtë shtetit”

• Kol Malai, ish-drejtor i IKMT, “ndalim i daljes jashtë shtetit”

• Martin Ndoka, polic i zonës në Shëngjin, “pezullim nga detyra publike” dhe “ndalim i daljes jashtë shtetit”

Hetimet po vijojnë për zbardhjen e shtrirjes së plotë të skemës dhe identifikimin e personave që kanë përfituar nga këto tjetërsime pronash në zonat bregdetare të Lezhës dhe Shëngjinit.