Evi Kokalari thotë se Berisha më shfrytëzoi : Basha u tregua i sinqertë me mua ndaj bashkohem me të

Evi Kokalari thotë se PD duhet të bashkohet nën emrin e Bashës, pasi ai ka vulën. E ftuar në Shqip nga Rudina Xhunga , Kokalari foli edhe për kafen me Bashën, që sipas saj ka mërzitur shumë nga të djathtët, ndërsa tregoi edhe diskutimet me të.

“Lulzim Basha u tregua i sinqertë me mua. Ai nuk tha do ta bëj PD konservatore, siç tha Berisha. I cili vetëm e shfrytëzoi. Lulzim Basha tha nuk e bëj. Mua më pëlqeu sinqeriteti i tij. Unë i tregova se cilat janë pikat e mia të rëndësishme, dhe platforma e tij sillet rreth saj. Unë vetëm piva një kafe për diskutime, por kaq. Unë dua që PD të bashkohet nën logon e PD. Dhe logon e ka Basha, ndaj bashkimi do të jetë nën emrin e tij”,  është shprehur  Kokalari .

Më heret Evi Kokalari mori pjesë në aktivitetet e Foltores së Berishës, deri më 6 mars, kur dhe ndodhi bashkimi i Berishës me Ilir Metën në Shtëpinë e Lirisë dhe fitorja në bashkinë Shkodër. E pikërisht aty, u prish gjithçka. Në momentin që Evi u takua me Ilir Metën, i cili i bëri të ditur se ai kishte kërkuar nga Berisha që të kandidohet Belind Këlliçi, duke e justifikuar si me sondazhe, e si me mbështetjen nga SHBA.