Fier/ Shoferi i ambulancës humb kontrollin dhe del nga rruga duke lënduar infermieren

Mbrëmjen e 7 janarit në aksin rrugor Lushnje – Fier, shoferi i ambulancës, humbi kontrollin mbi drejtimin e mjetit dhe për pasojë ka dalë nga rruga në fshatin Vajkan. Si pasojë e aksidenti u plagos drejtuesi i ambulancës dhe infermierja, shtetasja A. Ç., 33 vjeçe, të cilët ndodhen në spital, në kujdesin e mjekëve. Ndërkohë shoferi i ambulancës me iniciale E.T. 34 vjeç, banues në Fier është proceduar në gjendje të lirë nga policia.

Njoftimi i Policisë:

Fier

Specialistët e Sektorit të Qarkullimit Rrugor të DVP Fier referuan materialet në Prokurori ku nisi procedimi në gjendje të lirë për shtetasin E. T., 34 vjeç, banues në Fier, pasi në datë 07.01.2024, në aksin rrugor “Lushnjë-Fier”, në fshatin Vajkan, duke drejtuar ambulancën, ka humbur kontrollin mbi drejtimin e mjetit dhe për pasojë ka dalë nga rruga. Si pasojë e kësaj dalje nga rruga është dëmtuar drejtuesi i ambulancës dhe infermjerja, shtetasja A. Ç., 33 vjeçe, të cilët ndodhen në spital, në kujdesin e mjekëve. Materialet i kaluan Prokurorisë pranë Gjykatëa së Shkallës së Parë të Juridiksionit të Përgjithshëm Fier, për veprime të mëtejshme procedurale.