Foto/ Mbyllet pas disa minutash seanca e parë!

Parlamenti ka miratuar pak momente më parë komisionin për verifikimin e mandateve me votat e mazhorancës, ndërsa deputetët e Partisë Demokratike protestuan rreth foltores ku ndodhej kryedemokrati, Sali Berisha.

Deputetët e PD mbajtën lart pankarta me mesazhe politike dhe denoncuese, ndërsa drejtuesi i seancës së sotme, Vasil Llajo i PS vijoi procedurën.

Sakaq, seanca e sotme do të vijojë në orën 17:00 ku pritet që deputetët e rinj të Parlamentit të betohen dhe të marrin detyrën zyrtarisht.

Nuk mund të ndryshohen komisionet pa ndryshuar Rregulloren

Kreu i Partisë Demokratike, Sali Berisha, ka reaguar ashpër pas përfundimit të seancës plenare të sotme në Kuvend, duke akuzuar kryeministrin Edi Rama për shkelje të rregullores dhe manipulim të komisioneve parlamentare.

Në një deklaratë për mediat, Berisha u shpreh se ndryshimet e bëra në përbërjen e komisioneve janë të pavlefshme, pasi sipas tij, ato nuk mund të bëhen pa ndryshuar më parë Rregulloren e Kuvendit.

“E nisi që dje në Asamble duke shkelmuar rregulloren. Asnjë komision nuk ndryshohet pa u ndryshuar Rregullorja. Morali i tij është vetëm droga,” – u shpreh Berisha.

Sali Berisha: E nisi që dje në Asamble duke shkelmuar rregulloren, asnjë komision nuk ndryshohet pa u ndryshuar Rregullorja.
Morali i tij është vetëm droga.
Ky është Parlamenti i atyre që thashë, nuk mund ta lija Llajon një mjek që nuk ka asnjë eksperiencë parlamentare dhe e mashtrojnë siç duan? Ai nuk e di që Kuvendi u rrëzua që dje kur u njoftuan komisionet e reja.