FOTO/ Momenti dramatik kur fundoset anija 55 milionë dollarëshe e Putin-it

Ukarina pretendon se ka fundosur një tjetër anije luftarake ruse, me 50 marinarë në bord, duke përdorur drone kamikaze.

Pamjet e shpërndara sot nga ministria e Mbrojtjes e Ukrainës treguan momentin dramatik ku u sulmua me raketa anija ruse, e cila kishte vlerën 55 milionë dollarë.

Inteligjenca e mbrojtjes e qeverisë ukrainase njoftoi goditjen në anijen luftarake përmes shërbimit të mesazheve Telegram.

Aty thuhej: “‘Ivanovets’ në fund – si rezultat i një operacioni special të GUR të Ministrisë së Mbrojtjes, u shkatërrua një anije me raketa armike”.

Departamenti pretendon se ushtarët e njësisë së tij speciale “Grupi 13” shkatërruan anijen raketore të flotës ruse të Detit të Zi të mërkurën mbrëma, ndërsa ajo po lundronte përtej liqenit Donuzlav, një gji i përdorur për anijet ushtarake në perëndim të Krimesë së pushtuar.

Rusia nuk e ka konfirmuar zyrtarisht sulmin.