FOTO/ Rama në Berat, mbledh mijëra socialiste ulur në karrike

Një ditë para protestës së madhe të opozitës më 16 mars, Kryeministri Edi Rama i ka treguar sërish “forcë” Partisë Demokratike, Lëvizjes Socialiste për Integrim dhe aleatëve të tyre.

Në turin “Bashkia që duam” në qytetin e Beratit ka rënë në sy numri i madh i qytetarëve të cilët kanë marrë pjesë në këtë aktivitet.

Edhe fokusi i regjisë së ERTV-së ka qenë demonstrimi i pjesëmarrjes së lartë të qytetarëve.

Aktiviteti i parë i maxhorancës është cilësuar si anti-miting për protestën e 16 shkurtit, ndërkohë që sot, një ditë para protestës Kryeministri ka mbledhur simpatizantët e tij në Berat.

Rama ka thënë gjatë takimit se “S’ka asnjë betejë me opozitën, por me të shkuarën e dhimbshme dhe me papunësinë e varfërinë”.