Futbollisti i Barcelonës diagnostikohet me sëmundje seksualisht të transmetueshme

Një lajm tronditës është duke qarkulluar në mediat spanjolle. mesfushori brazilian i kampionëve të Spanjës Artur Melo dyshohet se vuan nga gonhorrea, sëmundje seksualisht e transmetueshme. 23-vjeçari mungoi në sfidën e fundit ndaj Majorkës në fundjavë. Klubi katalanas e justifikoi mungesën e tij me arsyen se braziliani kishte pësuar dëmtim në muskujt e kofshës.

Megjithatë, gazetari Andreu Zhinola nxjerr një tjetër version të mungesës së Melos në listën e lojtarëve të grumbulluar të Barcelonës. Zhinola pretendon se futbollisti i Brazilit vuan nga një infeksion i një sëmundjeje seksualisht të transmetueshme.

Lajmi ka shokuar mbarë botën e futbollit, ndërsa Barcelona ende nuk ka dhënë qëndrimin e saj publik në lidhje me këtë çështje. Gonhorrea shkaktohet nga bakteri Neisseria gonorrhoeae.

Mesfushori pritet  të qëndrojë larg fushave për një periudhë të pacaktuar. Ilaçet për kurimin e kësaj sëmundje nuk janë të lejuara nga testet anti-doping.  Si rrjedhojë Barcelona nuk kërkon të rrezikojë dhe do ta lërë futbollistin për një periudhë jashtë fushave.