Gazeta e njohur: Fondet e BE-së për sektorin agrar, u abuzuan masivisht në Shqipëri

Gazeta e njohur austriake i ka bërë jehonë abuzimeve me fondet e Bashkimit Europian në rajonin e Ballkanit.

Gazeta përmend edhe rastin e Shqipërisë, ku fondet e BE-së për sektorin agrar, u abuzuan masivisht.

“Në korrik të këtij viti, agjencia e BE kundër mashtrimit, OLAF, kërkoi që BE të pezullonte grantet nga programi IPARD II për sektorin bujqësor në Shqipëri.

Sipas platformës Oligarkia.al, 82 përfitues kanë marrë fonde bazuar në informacione të rreme.

Disa thuhet se u kanë dhënë ryshfet ndërmjetësve ose direkt zyrtarëve të Agjencisë Shqiptare për Bujqësinë dhe Zhvillimin Rural, e njohur si AZHBR, e cila është përgjegjëse për shpërndarjen e fondeve të IPARD. Prokuroria publike është duke hetuar.

Në shtator, kryeministri Edi Rama vendosi të zëvendësojë ministren e mëparshme të Bujqësisë, Frida Krifca. Ajo e drejtoi AZHBR-në nga viti 2017 deri në vitin 2021,” shkruan gazeta.