Gazetarja Aranita Brahaj denoncon në një postim në rrjetet sociale se Shoqëria Koncesionare “Integrated Energy BV SPV”, e Klodian Zotos dhe Mirel Mërtirit me ndërtimin e landfillit, (inceneratorit në venddepozitimet ekzistuese Tiranë) është klienti i tretë në renditje sipas vlerave të paguara nga bashkia për vitin 2023.
Gazetarja thekson se gjatë vitit 2023, “Integrated Energy BV SPV” ka marrë mbi 829 milionë lekë.
Ndërkohë të tjera vlera të mëdha parash nga Bashkia Tiranë kanë marrë për vitin 2023: Posta Shqiptare, Erzeni, Rafin Company, Eco Tirana, Pepa Group, Shoqëria Koncesionare Z.M.A.
Gazetarja saktëson se Bashkia e Tiranës ka kryer 5 911 transaksione në vlerë totale 20.4 miliardë lekë po gjatë këtij viti, kryesisht për kategori shpenzimi sipërmarrje punimesh, pagesa paaftësie dhe materiale e shërbime operative.
