GJKKO lë në burg Ergys Agasin

Pas një seance maratonë me debate të forta ligjore mes palëve, trupa gjykuese e Gjykatës së Posaçme ka lënë në fuqi masën arrest me burg për biznesmenin, Ergys Agasi.

Biznesmeni Ergys Agasi u arrestua pas 8 muajsh në arrati për dosjen e AKSHI-t, teksa lëvizte me makinë nga Elbasani në drejtim të Durrësit.

Bashkë me të në makinë ishte edhe ish-polici i shpallur në kërkim, Uljan Shpataraku.

Ndër provat kryesore të paraqitura nga prokuroria janë disa regjistrime me video të bëra në zyrën e Agasit.

Sipas akuzës, pamjet e filmuara nga vetë biznesmeni gjatë takimeve me persona të ndryshëm shërbejnë si prova kyçe në dosje.

Avokati Maks Haxhia i hodhi poshtë pretendimet e SPAK-ut, duke deklaruar se nuk ka asnjë provë konkrete që e lidh klientin e tij me veprat penale.

Seanca u ndërpre disa herë me kërkesë të mbrojtjes për t’u njohur me aktet.