Gjykata e Janinës lë në burg Laert Haxhiun/ Dërgohet në Korydallos, krimineli shqiptar kundërshton ekstradimin

Gjykata e Janinës ka lënë në burg Laert Haxhiun, i cili po dërgohet në burgun e Korydallos deri në paraqitjen e kërkesës zyrtare për ekstradimin e tij, 

Sipas avokatit të tij, Haxhiu nuk i pranon akuzat për vrasjen në Lushnjë në vitin 2017 me dy të vdekur dhe dy të plagosur dhe nuk dëshiron të ekstradohet pranë autoriteteve shqiptare, por kërkon të qëndrojë në Greqi.

Sipas medias greke, çështja do të shkojë në Bordin e Apelit kompetent për të vendosur pro ose kundër ekstradimit të tij dhe më pas në Gjykatën e Lartë.

Shqiptari në kërkim për vrasjen e dyfishtë në vitin 2017 është arrestuar të hënën pas një ndjekjeje si nëpër filma nga oficerët e Janinës në shtetin fqinj.