Shqipëria në momentin më të mirë ekonomik

Ministri i Ekonomisë Blendi Gonxhja, duke folur në Konferencën Ndërkombëtare për Reformën në sistemin e pensioneve në Shqipëri deklaroi se vendi ynë është në momentin më të mirë ekonomik.

Gonxhja theksoi se që të rriten pensionet, duhet që të shtohen kontribuuesit. Ai tha se duhet që të ketë informalitet të ulët, që të shtohen kontribuesit për pensionet.

Blendi Gonxhja: Sot falë reformës të vitit 2014, si dhe dixhitalizimit, numri i kontribuesve është rritur. Shqipëria është sot në momentin më të mirë ekonomik që prej ardhjes së demokracisë. Fokusi ynë është tek shtresat në nevojë.

Duhet të ulim informalitetin që pensionet të rriten. Informaliteti është një e mirë e momentit, por jo në kohëzgjatje. Sot kemi një skemë, ku një pensionist është barazim me 1.1 të punësuar.