GREQI/ Arrestohen 7 prej trafikantëve të emigrantëve që u fundos anija

Policia portuale po heton tragjedinë që ndodhi në brigjet Helene. Sipas mediave greke, janë arrestuar 7 trafikantë që kishin futur emigrantë në anijen e peshkimit, e cila u mbyt në brigjet e Pylos. Burime të protothema.gr informojnë se numri i trafikantëve të arrestuar mund të rritet në orët në vijim. Trafikantët e arrestuar janë egjiptianë. Është e ditur gjithashtu se tre nga personat e shpëtuar janë identifikuar dhe dyshohet se mund të jenë trafikantë. Numri i të vdekurve nga mbytja e anijes në Pylos sipas informacioneve të fundit është 78, jo 79 siç u raportua më herët. Kërkimet ende vazhdojnë dhe autoritetet shqetësohen për mungesën e progresit në hetimet. Numri i të mbijetuarve mbetet 104, ndërsa përcaktimi i saktë i numrit të pasagjerëve pritet të jetë sfidues edhe pas marrjes së deklaratave nga të shpëtuarit. Anijet e peshkimit prej hekuri janë përdorur për transportimin e emigrantëve nga Libia drejt Italisë në vitet e fundit, me numër të ndryshëm prej 300 deri në 500 persona në çdo udhëtim. Emigrantët janë nga Afganistani, Pakistani, Siria dhe Palestina, dhe tragjikja është se ka pasur edhe fëmijë në anije, sipas dëshmive.