Greqi, qëllohet për vdekje me thikë nga dy kushërinjtë e tij

28-vjeçari shqiptar u qëllua për vdekje nga dy kushërinjtë e tij, vëllezër të moshës 17 dhe 19 vjeç.

Një ngjarjen e rëndë në ndodhur mbrëmjen e djeshme në Greqi, ku një shqiptar është vrarë me thikë në qafë.

Mësohet se 28-vjeçari Denis Loka është qëlluar nga dy kushërinjtë e tij, vëllezër të moshës 17 vjeç Enis Loka dhe 19 vjeç Aleksandros Loka, të cilët kanë pretenduar se viktima abuzonte seksualisht me ta.

Ngjarja e rëndë ka ndodhur rreth orës 22:50 të mbrëmjes së djeshme, kur efektivët e policisë rrugore, gjetën të plagosur 28-vjeçarin në rrugë. Ai u dërgua në spital por nuk mundi t’u mbijetojë dot plagëve të marra.

Policia ka gjetur në kryqëzimin e rrugëve “Hanion” dhe “Patision” në Kipseli të Athinës, 28-vjecarin Denis Loka, i cili ishte i plagosur me thikë në fyt.

Raportohet se pas krimit, dy vëllezërit shqiptarë janë dorëzuar në komisarit. 17-vjeçari ka deklaruar se ka qenë ai autori i krimit ndërsa 19-vjeçari ka qenë bashkëpunëtor.

Siç pretendojnë dy vëllezërit shqiptar me nënshtetësi greke, 28-vjeçari abuzonte me ta. Policia po heton ngjarjen e rëndë.

17-vjeçari ka treguar në polici se ka qenë ai që ka plagosur për vdekje 28-vjeçarin, ndërsa 19-vjeçari ka qenë bashkëpunëtor.

Sipas mediave greke vrasja ka ndodhur për hakmarrje, pasi sipas dëshmisë së vëllezërve kur kanë qenë fëmijë, 28-vjeçari ka abuzuar seksualisht në Shqipëri. Kur u takuan ata debatuan për atë që pretendojnë se ka ndodhur në të kaluarën. Viktima ka tentuar t’i qetësojë, por ka ndodhur një sherr, i cili ka sjellë plagosjen fatale të 28-vjeçarit.