Hamas letër Trump-it, zbulohet kushti për lirimin e pengjeve

Përditësuar më 22 Shtator 2025, 17:08

Grupi Hamas ka dërguar një letër Presidentit të SHBA-së, Donald Trump, duke kërkuar drejtpërdrejt që ai të garantojë një armëpushim 60-ditor në Gaza, në këmbim të lirimit të gjysmës së pengjeve që mbahen atje.

Kjo u raportua ekskluzivisht nga Fox News, e cila citon një zyrtar të lartë të administratës amerikane dhe një burim të përfshirë në negociata.

Letra është aktualisht në duar të Katarit, i cili do t’ia dorëzojë udhëheqësit të Shtëpisë së Bardhë më vonë këtë javë.

Përpjekjet e ndërmjetësimit nga Doha për një marrëveshje armëpushimi dhe lirimin e 48 pengjeve që mbahen ende në Gaza, janë pezulluar që nga sulmi i Izraelit ndaj udhëheqjes së Hamasit në kryeqytetin e Katarit dy javë më parë.