Ushtria, e vendosur të mposhtë Hamasin në Gaza

Ushtria izraelite (DF) ka lëshuar një urdhër urgjent për evakuimin e menjëhershëm të të gjithë banorëve dhe personave të pranishëm në Qytetin e Gazës dhe të gjitha zonat e tij, nga Qyteti i Vjetër dhe lagjja Tuffah në lindje, deri në detin Mesdhe në perëndim.

Përmes një njoftimi zyrtar në rrjetin X (ish-Twitter), zëdhënësi i ushtrisë izraelite në gjuhën arabe deklaroi se:

“Ushtria është e vendosur të mposhtë Hamasin dhe do të veprojë në Qytetin e Gazës me vendosmëri të madhe.”

Banorëve u është bërë thirrje të largohen menjëherë duke ndjekur rrugën Al-Rashid drejt zonës humanitare Al-Mawasi në jugperëndim të Rripit të Gazës.

“Për sigurinë tuaj, evakuohuni menjëherë. Qëndrimi në zonë është jashtëzakonisht i rrezikshëm,” thuhet në paralajmërim.