“Jam shtatzënë me fëmijën e viktimës”- M*sakrimi i 23-vjeçarit, rrëfehet bashkëshortja e autorit: E denoncova, policët thoshin ‘Hë se s’ju vrau vërtet’

E shoqja e Xhuljano Mihos, me të cilin 27-vjeçarja ishte në proces divorci, ka treguar se kishte denoncuar 39-vjeçarin në polici për shkak të kërcënimeve me jetë nga ana e tij, por sipas saj, uniformat blu nuk kanë marrë asnjë masë.

“Më thoshin ‘hë se nuk ju vrau vërtet’. Policia na përcillte me këto fjalë”, tregoi nëna e dy fëmijëve të mitur në emisionin “Me zemër të hapur” të moderatores Evis Ahmeti.

27-vjeçarja rrëfeu se ishte pajisur së bashku me të dashurin e saj Xhimi Bakajn me urdhër mbrojtje dhe se është shtatzënë me fëmijën e tij.

Kujtojmë se Xhuljano Miho masakroi me thikë Xhimi Bakaj, të dashurin e gruas së tij mbrëmjen e së premtes (5 Korrik) në Fier.

“Jam shtatzënë me fëmijën e viktimës. Nuk e di nëse Xhuljano e dinte për shtatzëninë, por ishte i fiksuar. Para se të ikja nga shtëpia thoshte “unë të vras, e di që je e vdekur dhe s’je me tjetër”. Kërcënonte edhe familjarët e mi”.

Mesazhi zanor 24 orë para krimit, atë ditë nuk kam dalë nga frika as në darkë dhe as gjatë ditës. Ditën tjetër dola me frikë dhe ndodhi ajo që ndodhi. I ka shkuar një pjesëtari të familjes, “të lumtë që ke fëmijët afër se do të kisha bërë kasaphanë”, ia hidhte fajin familjes time mbi atë çfarë ndodhi.

Në polici kam shkuar mbi 7 herë, kam shkuar me video, me mesazhe ku thoshte do t’ju vras, do t’ju zhduk. Më thoshin ‘hë se nuk ju vrau vërtet’. Policia na përcillte me këto fjalë. nuk e thërrnin që ta merrnin në pyetje, apo ti thoshin që nuk rri larg se ka urdhër mbrojtje.

Ai më thoshte “paske bërë kallëzim ti moj, por nuk edi që unë i kam të gjithë miq, nuk më gjen gjë fare, perëndinë zbrite dhe s’ke shanse të shpëtosh nga mua. Unë dhe viktima kemi qenë të dy me urdhër mbrojtje”, tha 27-vjeçarja./ BW