‘Jam Veteran i Luftës’, 91-vjeçari shkon te Air Albania: Të vaksinohem, edhe unë personalitet jam

Ditën e sotme në stadiumin Air Albania pritet të nis vaksinimi i atyre që kryeministri Rama i cilësoi si personalitete. Por përpara se të nisë vaksinimi i tyre, nga kamera e Faxnews është kapur një episod i pazakontë, ku një qytetar 91-vjeçar shihet në portën e stadiumit dhe kërkon që të hyjë brenda për të bërë injektim.

Ai thotë që është personalitet pasi është Veteran i Luftës. Teksa tenton të hyjë në qendrën e vaksinimit has në barrierën e rojeve të sigurisë të cilët nuk e lejojnë të hyjë pavarësisht se u prezanton kartën e veteranit.