Kim jep mesazhe të forta: Media e pavarur më e rëndësishme se kurrë

Media e pavarur është më e rëndësishme se kurrë thotë Kim ndërsa shton se duhen nderuar gazetarët që bëjnë pyetje të vështira dhe që hulumtojnë faktet.

“Thomas Jefferson ka të drejtë. Në këtë Dita botërore e lirisë së shtypit, ne i nderojmë gazetarët në Shqipëri dhe në të gjithë globin që guxojnë të bëjnë pyetje të vështira, hulumtojnë faktet dhe fuqizojnë njerëzit… Media e pavarur është më e rëndësishme se kurrë”, shkruan ambasadorja Yuri Kim në Tëitter.

Nga Asambleja e Përgjithshme e Kombeve të Bashkuara dita e 3 majit është shpallur Dita Botërore e Lirisë së Shtypit për të ngritur vetëdijen dhe rëndësinë e lirisë së shtypit dhe për t’ua kujtuar qeverive detyrën që kanë në drejtim të respektimit të të drejtës së shprehjes së lirë që është e garantuar me nenin 19 të Deklaratës së Përgjithshme të të Drejtave të Njeriut.