Toksikologu u “tërheq veshin” prindërve

Toksikologu Alban Haxhi ka ngritur alarmin duke treguar se kimikatet që përmbajnë lodrat e fëmijëve mund të prekin mushkëritë, mëlçinë dhe trurin

I ftuar në emisionin “Good morning Albanians” në “Euronews”, taksikologu u shpreh se elementet përbërës të plastikës, si ftalatet apo mineralet e rënda që i japin butësinë dhe elasticitetin disa lodrave janë shumë të dëmshme dhe të rrezikshme për shëndetin e fëmijëve tuaj.

“Sa më elastike është lodra aq më e dëmshme është, në varësi të plasticitetit aq më e madhe është prania e këtyre mineraleve të rrezikshme. Slajmi p.sh, ka fenole, përbërjet e benzemit që janë toksike. Pasojat nisin që nga dëmtimet alergjike, dhe nëse kanë përbërje mërkuri mund të prekin mëlçinë, mushkërinë dhe sistemin nervor të fëmijës”, tregoi toksikologu.