Kolegët e bullizuan në Tik-Tok, nëna e tre fëmijëve i jep fund jetës duke pirë fotoksinë

Përditësuar më 6 Janar 2024, 00:19

Bedrie Loka është 41-vjeçarja e cila i ka dhënë fund jetës në mënyrë tragjike. Nëna e 4 fëmijëve bullizohej në rrjetin social TikTok në mënyrë të vazhdueshme që prej vitit 2022.

Vajza e tezes së saj dyshohet se ishte ajo e cila i kishte hapur një profil falso në rrjetin social kushërirës me fotot e saj. Ajo i kishte postuar një foto me tekst denigrues që kishte marrë mbi 30.0000 shikime në TikTok. E ndjera e kishte denoncuar këtë rast edhe në Policinë e Durrësit.

Më datë 2 Janar 2024, Loka i uroi ditëlindjen vajzës së saj dhe më pas konsumoi fostoksinë.

Viktima i ishte shprehur disa herë djalit të saj se do të kryente vetëvrasje duke thënë “…për nder rroj”.

Lidhur me ngjarjen ka reaguar edhe Policia e Durrësit.

REAGIMI:

Në lidhje me një lajm të publikuar në media, për një shtetase që ka humbur jetën pasi dyshohet se ka konsumuar fotoksinë, për shkak të bullizmit, ju sqarojmë se:

Më datë 02.01.2024, në orën 16:30, jemi njoftuar nga shërbimet e spitalit se shtetasja B. L., 41 vjeçe, që dyshohej se kishte konsumuar lëndë helmuese fotoksinë, edhe pse kishte marrë ndihmë mjekësore, nuk kishte mundur të jetonte.

Drejtoria Vendore e Policisë Durrës ka kryer të gjitha veprimet me grup hetimor, në drejtimin e Prokurorisë, dhe materialet janë referuar në Prokurori.

Sqarojmë se në dhjetor të vitit 2022, shtetasja B. L. ka bërë kallëzim se në rrjetet sociale ishte hapur një adresë false me emrin e saj.

Për kallzimin e bërë ne dhjetor 2022, Policia ka kryer të gjitha veprimet dhe i ka referuar materialet në Prokurori dhe çështja është në hetim në Prokurori. Pas këtij kallëzimi nuk ka patur asnjë kallëzim apo shqetësim nga shtetasja B. L, për këtë rast.

Në drejtimin e Prokurorisë së Durrësit vijojnë hetimet për zbardhjen e plotë të rrethanave të këtij rasti.

Ndërkohë që vijojnë hetimet intensive për identifikimin dhe vënien përpara përgjegjësisë ligjore të shtetasve që kanë keqpërdorur të dhënat e shtetases B. L.

Lidhur me ngjarjen e rëndë ka folur një e moshuar, e cila thotë se viktima Bedrie Loka ishte një grua e thjeshtë.

“Nuk e di, ka lënë fëmijët…7 vjet e kishte burrin në burg. Erdhi burri. Nuk ka bërë bitin që i ka ardhur. Ajo ka qenë burrë, nuk ka qenë grua, ka qenë jashtëzakonisht grua e thjeshtë.”

A ka pirë helm?

“Nuk e di! Burrin e ka pasur në Greqi. Burri ia la fëmiëjn në bark dhe ishte 7 vjet në burg, bashkë me vëllanë.“

Dëshmi të tjera jashtë kamerës flasin për një video që ishte kthyer në meme për viktimën, e cila dyshohet se është hedhur në rrjetet sociale nga një kushërirë e saj.

bashkë  me kolegët e  punës, të cilët sipas pretendimeve të familjarëve të të ndjeres, ajo ishte bullizuar duke i hapur një faqe denigruese në rrjetin social Tik Tok ku dhe policia ishte në dijeni të rastit.

Kolegët e 41-vjeçares kanë qendruar të distancuar, duke thënë për mediat se nuk kanë të bëjnë me këtë ngjarje, ndërsa ka reaguar edhe pronari, shtetas italian, i cili po ashtu ka mbajtur të njëjtin qendrim duke u shprehur përpara gazetarëve se këta të fundit nuk kanë pse shkojnë në ambientet e punës, duke shtuar mëtej se zonja ndërroi jetë në ambientet e baneses së saj. Kështu, ata mohojnë dhe bullizmin 1-vjeçar që i kanë bërë 41-vjeçares. Ndërkohë, sipas burimeve bëhet me dije se më herët e ndjera ishte ankuar te pronari, tek i cili nuk kishte gjetur një zgjidhje.

Kompania ku punonte 41-vjeçarja prodhon litarë në zonën e Fllakës për tragetët.