Komiteti Teknik i Ekspertëve : Do ketë masa të reja shtrënguese pêr pandeminê

Përditësuar më 17 Nëntor 2020, 20:50

Komiteti Teknik i Ekspertëve ka njoftuar përmes një deklarate për mediat se nga sot ndalon takimet elektorale, dasmat, festat, ceremonite martesore dhe organizimet pertej familjare te ceremonive mortore, deri ne nje urdher te dyte.

Pas vendimit të Komitetit Teknik që ndalon dasmat dhe ceremonitë mortore përtej familjare, ministrja Manastirliu ka firmosur urdhrin për ndalimin e grumbullimit në vende të mbyllura apo të hapura.

“Ndalohen grumbullimet me më shumë se 10 persona të vende të mbyllura apo të hapira, konferencat, tubimet, mbledhjet partia, ceremonitë e festave, ceremonitë martesore dhe organizimet përtej familjare të ceremonive mortore deri në një urdhër të dytë”, thuhet në vendimin e ministres, nr. 5139.

Urdhri hyn në fuqi menjëherë dhe është publikuar në Fletore Zyrtare, çka do të thotë se zbatimi i tij ka hyrë në fuqi.