Korçë, një person bie nga kati i pestë mbi tarracën e një dyqani

Një person ka rënë nga kati i pestë i një pallati në Korçë, mëngjesin e së premtes. Ai ra mbi tarracën e një objekti që ndodhej në katin e parë. Nuk dihet arsyeja nëse është rrëzuar aksidentalisht apo ka tentuar të vrasë veten.

Zjarrfikësja dhe Policia e Korçës ndodhen në vendin e ngjarjes dhe po mundohen ta marrin të dëmtuarin nga tarraca. Sipas informacioneve paraprake, thuhet se është gjallë.