Kreu i PD Lulzim Basha thotë se opozita nuk po sfidon qeverinë për masat ndaj koronavirusit, por po e nxitë atë që të marrë vendimet më të mira. “Nuk po sfidojmë qeverinë, s’po bëjmë as xhelozi. Ne po nxisim qeverinë të marrë masat më të mira”, u shpreh Basha.
Ndërkohë, kreu i PD shprehu dhe tre shqetësime kryesore për të cilat sipas tij qeveria duhet të marrë masa, në një intervistë për gazetaren Eni Vasili.
“S’ka masa mbrojëtse të mjaftushme për ta. Ndaj i bëj thirrje qeverisë të marrë masat, sa më shumë maska e syze, pajisje higjenizuese për mjekët, sanitarët, aq më mirë për përballimin e situatës.
Gjithashtu, duhet të mos përplasen të gjithë te Infektivi. Të funksionojë mjeku i familjes. Të ketë dhe në rrethe.
Ato 120 milionë euro të mos u jepen oligarkëve. Të përdoren për shëndetësinmë dhe për shtresa të caktuara sociale.
Duhet të kemi mjaftuëshëm kite, për analiza, mjaftueshëm kapacitete për përballimin e situatës”, u shpreh Basha.
Kreu i Partisë Demokratke, Lulzim Basha thotë se gjatë karantinës tre-ditore e ka kaluar kohën mes zyrës dhe shtëpisë së tij.
Basha e zhvendosi bisedën te problemet që shqiptarët hasin në një situatë të tillë, si pasojë e kushteve të vështira të jetesës dhe varfërisë ekstreme.
“Midis shtëpisë dhe zyrës. Problemi i Shqipërisë është më ndryshe nga vendet e tjera, sepse të qëndrosh në shtëpi nuk është një fjalë goje. Të qëndrosh në shtëpi je një një proksimitet që nuk është aq e përshtatshme”, u shpreh ndër të tjera Basha në emisionin “Open”.
