Kosova mposhtet nga Austria, Zhegrova shënon golin e nderit

Kosova është mposhtur 3-1 nga Austria në Vjenë, në sfidën e vlefshme për Nations League.

Austriakët morën kontrollin e takimit dhe kaluan në avantazh në minutën e 23-të. Affengruber përfitoi nga një moment pasigurie në mbrojtjen kosovare dhe zhbllokoi rezultatin.

Në fundin e pjesës së parë, Austria goditi sërish. Adamu dyfishoi shifrat, duke e mbyllur fraksionin e parë me avantazhin 2-0 për vendasit.

Kosova u përpoq të reagonte pas pushimit, por e pati të vështirë të krijonte raste të rrezikshme përpara portës austriake.

Austria shfrytëzoi hapësirat e krijuara dhe gjeti edhe golin e tretë me Carney, duke e çuar rezultatin në 3-0 dhe duke i zbehur ndjeshëm shpresat e Kosovës për të marrë pikë nga kjo transfertë.

Në minutat e fundit, dardanët arritën të shënonin golin e ngushëllimit. Edon Zhegrova ekzekutoi saktë një penallti, duke vendosur rezultatin përfundimtar 3-1.

Kështu, Kosova largohet nga Vjena pa pikë, ndërsa Austria siguron një fitore të rëndësishme në Nations League.