Kriza e Kostos së Jetesës: Inflacioni në Shqipëri kërcen në 2.8%

Të dhënat më të fundit nga INSTAT për muajin Prill 2026 konfirmojnë një rritje të ndjeshme të kostos së jetesës për familjet shqiptare.

Inflacioni ka arritur nivelin më të lartë që prej janarit 2024, duke reflektuar pasigurinë ekonomike dhe rritjen e çmimeve në tregjet ndërkombëtare.

Inflacioni vjetor (Prill 2026): 2.8% (nga 2.3% që ishte në Prill 2025).

Rritja mujore: Çmimet u rritën me 0.3% krahasuar me Marsin 2026.
Tensionet gjeopolitike në Lindjen e Mesme dhe taksat e larta kanë rritur çmimin e karburantit, mbi 200 lekë/litër.

Po Cilat grupe u shtrenjtuan më shumë?
Rritja e çmimeve ka goditur sektorët më jetikë të konsumit:
1. Transporti: U rrit me 8.5%, i ndikuar drejtpërdrejt nga nafta dhe biletat.
2. Banesa & Energjia: Grupi “Qira, ujë, energji dhe gaz” u rrit me 4.7%, duke pasur ndikimin më të madh në xhepat e qytetarëve.
3. Shërbimet Financiare & Argëtimi: Rritje midis 3.7% dhe 4.1%.
4. Ushqimet: Ndonëse me një rritje më të moderuar prej 1.3%, mbetet peshë e rëndë në buxhetin familjar.
Ndikimi në Buxhetin Familjar
Nëse analizojmë se kush e “rëndon” më shumë faturën mujore, rezulton se shpenzimet për shtëpinë (qira, drita, ujë) kontribuuan me +0.93 pikë përqindje në rritjen totale, ndjekur nga transporti dhe ushqimet. E vetmja ulje e lehtë u vërejt te grupi “Veshje dhe këpucë” me -0.2%.