Kryemadhi: Protestat nuk do ndalen, urrejtja ndaj Ramës po shtohet

Në një deklaratë për mediat jashtë sallës së parlamerntit, kryetarja e LSI-së, Kryermadhi ka lëshuar deklarata të forta kundër Kryeministrit Rama, duke paralajmëruar për vijimin e protestave deri në largimin e qeverisë.

“Edi Rama, nuk do të shpëtojë nga përfshirja e tij nga krimi i organizuar dhe nga përgjegjësia e tij më e madhe që shkatërroi Shqipërinë dhe e vodhi atë. Dhe as nga 468 mijë shqiptarët që janë larguar nga vendi. Protestat nuk do ndalojnë në asnjë moment. Protesta janë të formave dhe në vende të ndryshme, kemi te minatorët, naftëtarët, në Fier kundër inceneratorëve, studentët, deputetët. Çdo ditë e më shumë urrejtja dhe mallkimet ndaj tij po shtohen për shkak të asaj që i ka shkaktuar Shqipërisë. Çizmja më e rëndë është ajo e krimit të organizuar dhe është çizmja që do i bjerë në kokë Edi Ramës. Parlamenti do i kthehet normalitetit, kur ai t’i kthehet respektimit të Kushtetutës që u shkel më 15 dhjetor me zgjedhjen e Kryeprokurores.”