Kryeministri i Australisë arbëresh?! Ja provat që sjell gazetari i CNN

Anthony Albanese është kryeministri i ri i Australisë, dhe ajo që bëri më shumë bujë se sa zgjedhja e tij ishte mbiemri.

Mbiemri i tij në italisht rezulton të jetë “shqiptar” dhe britanikja The Guardian shkruan se ky term në Italinë jugore përdoret për të përshkruar një të ardhur nga Shqipëria. Për origjinën e Kryeministrit të ri të Australisë, Anthony Albanese, ka folur edhe gazetari i CNN-it, Andrew Kaczynski.

Në një postim në Twitter, Kaczynski ka shkruar se Albanese është shqiptar i Italisë, duke shtuar se edhe ai është arbëresh.

“Ai është shqiptar i Italisë. Mbiemri i tij është Albanese. Është arbëresh, siç jam unë”, ka shkruar Kaczynski.