KURBIN/Policia zbardh plagosjen 2012, autori i vrarë dy javë më parë

Policia e Kurbinit  ka deklaruar ditën e sotme se ka zbardhur një plagosje të ndodhur në vitin 2012, por autori i saj ka ndërruar jetë dy javë më parë.

Në njoftimin e policisë thuhet se autor është Indrit Pepa, i cili u vra në Mamurras, më 6 shtator të këtij viti.

Policia identifikoi A. M., 49 vjeç, banues në Mamurras, si autor të kësaj vrasje.

Njoftimi i Policsë së Kurbinit, i datës 6 shtator 2018

Sot, rreth orës 04:30, është marrë njoftim se në  Mamurras, afër xhamisë së qytetit, është plagosur me armë zjarri shtetasi I. P., 27 vjeç, banues në Mamurras, i cili është transportuar për në Spitalin e Traumes në Tiranë, por rrugës ka  ndërruar jetë.

Falë veprimeve të shpejta hetimore, u bë i mundur identifikimi i autorit të dyshuar shtetasit A. M., 49 vjeç, banues në Mamurras i cili u shpall në kërkim dhe punohet për kapjen e tij.

Grupi hetimor në vendngjarje nën drejtimin e Prokurorisë së Rrethit Gjyqësor Kurbin, vazhdojnë hetimet për zbardhjen e plotë të rrethanave të ngjarjes.

Njoftimi i Policsë së Kurbinit, i datës 20 shtator 2018

Më datë 19. 09. 2018, u referuan materialet në Prokurorinë pranë Gjykatës së Shkallës së Parë Kurbin, pasi nga tërësia e veprimeve të kryera nga Komisariati i Policisë Kurbin në bashkëpunim me Prokurorinë pranë Gjykatës së Shkallës së Parë Kurbin, është dokumentuar me prova ligjore ngjarja e datës 05. 02. 2012, ku mbeti i plagosur me armë zjarri shtetasi H. M., dhe autor është shtetasi I. P., i vrarë me armë zjarri më datë 06. 09. 2018