Kuvendi miraton në mënyrë urgjente kredinë nga SHBA

Kuvendi i Shqipërisë ka miratuar këtë të hënë marrëveshjen me Shtetet e Bashkuara të Amerikës për një hua prej 302 milionë dollarësh, fond që do të përdoret për investime në fushën e mbrojtjes.

Projektligji u miratua me 74 votat e deputetëve të Partisë Socialiste, ndërsa në sallë nuk ishin të pranishëm deputetët e Partisë Demokratike dhe aleatët e saj.

Përpara votimit, marrëveshja u diskutua në një seancë të zhvilluar pa praninë e mediave, ndërsa më pas u hodh në votim dhe u miratua vetëm me votat e mazhorancës.

Në përfundim të votimit, drejtuesi i seancës, Niko Peleshi, njoftoi mbylljen e punimeve të Kuvendit.