Lëkundje të forta tërmeti në Greqi, epiqendra dhe magnituda

Një tërmet tjetër ka goditur Greqinë ditën e sotme, duke krijuar shqetësim tek banorët e zonës. Lëkundjet sizmike me magnitudë 4.1 ballë të shkallës Rihter u regjistruan në zonën e Lefkadës, në orët e para të mëngjesit të 17 nëntorit.

Ekspertët bëjnë me dije se epiqendra e tërmetit ishte pranë Agios Nikitas, dhe sipas Institutit Gjeodinamik të Observatorit Kombëtar të Athinës, ky tërmet konsiderohet relativisht i fortë.

Për momentin nuk ka informacione për persona të lënduar apo dëme materiale, por autoritetet paralajmërojnë për mundësinë e pasgoditjeve në orët në vijim.

Ky nuk është i vetmi aktivitet sizmik në rajon, pasi edhe ditën e djeshme u regjistruan lëkundje me magnitudë 3.4 ballë Rihter në jug të Spilios, Rethymno.

Banorët e zonës këshillohen të tregojnë kujdes dhe të ndjekin udhëzimet e autoriteteve për sigurinë.