Lëvizje në Shëndetësi, ish-drejtori i PD merr postin e rëndësishëm

Përditësuar më 23 Shtator 2025, 15:10

Spartak Zekja është larguar nga posti i Drejtorit të Fondit të Detyrueshëm të Kujdesit Shëndetësor.

Mësohet se në vend të tij pritet të emërohet Arti Papajani, një emër i njohur nga administrata tatimore në të kaluarën. Papajani ka ushtruar detyrën e drejtorit të Tatimeve gjatë periudhës së qeverisjes së Partisë Demokratike.

Kjo është lëvizja e parë që ndodh në FSDKSh, pas emërimit të ministres së re të Shëndetësisë, Evis Sala.

Aktualisht, nuk ka ende një njoftim zyrtar nga Ministria e Shëndetësisë në lidhje me këtë ndryshim.

Kujtojmë se ky nuk është rasti i parë kur funksionarë të Partisë Demokratike përzgjidhen nga Edi Rama ose të besuarit e tij dhe emërohen në pozita kyçe.

Një shembull tjetër është ai i Genc Deromanjt, i cili u emërua në krye të Kadastrës së Vlorës, ndonëse ai ishte anëtar i Kryesisë së PD-së. Po ashtu, Blendi Sulaj, i cili ka qenë pjesë e strukturave drejtuese të PD-së, u emërua nënkryetar i Bashkisë së Tiranës.