Rama sulmon SPAK dhe GJKKO: Nxorën në pazar sekretet hetimore

Kryeministri kërkon që hetimi ndaj ish-drejtoreshës së SHISH të vijojë deri në fund, por ngre shqetësimin për publikimin e të dhënave të dosjes hetimore

Kryeministri Edi Rama ka reaguar për zhvillimet e fundit që lidhen me ish-drejtoreshën e Shërbimit Informativ të Shtetit, Vlora Hyseni, ndaj së cilës Gjykata e Posaçme ka caktuar masën e sigurisë “arrest në shtëpi”, në kuadër të hetimit të SPAK.

Në një deklaratë për mediat, Rama e cilësoi masën si “ekstreme”, duke theksuar njëkohësisht se nuk synon të ndërhyjë në përmbajtjen e dosjes hetimore apo në provat mbi të cilat është mbështetur vendimmarrja e gjykatës.

Sipas kryeministrit, çdo dyshim që lidhet me ish-drejtuesen e SHISH duhet të hetohet deri në fund dhe çdo akuzë duhet të provohet ose të rrëzohet përmes një procesi të paanshëm gjyqësor.

Rama tha se rasti i Hysenit nuk është precedent i parë ku një drejtues i një shërbimi sekret përballet me drejtësinë, por sipas tij, shqetësimi kryesor qëndron te ekspozimi publik i vetë institucionit dhe i materialeve që lidhen me një hetim të ndjeshëm.

“Nuk është hera e parë në historinë e botës që shefi i një shërbimi sekret merret i pandehur, por e para që institucioni i shërbimit sekret bëhet target kombëtar dhe ndërkombëtar thashethemesh mediatike për shkak të mosmarrjes së atyre masave që shtetet marrin”, deklaroi Rama.

Kryeministri nënvizoi se hetimi ndaj Vlora Hysenit i përket ekskluzivisht drejtësisë, ndërsa mbrojtja e SHISH-it nga pasojat që ai i konsideron të panevojshme duhet të jetë përgjegjësi institucionale.

“Hetimi dhe gjykimi i Vlora Hysenit janë detyrë ekskluzive e drejtësisë. Mbrojtja e SHISH dhe jo vetëm, nga çdo dëm i panevojshëm kolateral, është detyrë e gjithë shtetit”, u shpreh ai.

Rama shtoi se ndarja e pushteteve nuk duhet të nënkuptojë shkëputjen e institucioneve nga përgjegjësia për të mbrojtur interesat shtetërore. Për këtë arsye, ai e konsideroi mbledhjen e Këshillit të Sigurisë Kombëtare si një forum ku duhet të diskutohen përgjegjësitë institucionale që lidhen me situatën.

Rama: Partnerët janë shokuar nga publikimi i të dhënave

Një pjesë e rëndësishme e deklaratës së kryeministrit lidhej me publikimin në media dhe në rrjetet sociale të të dhënave që lidhen me dosjen hetimore.

Rama tha se partnerët ndërkombëtarë të Shqipërisë dhe të SHISH janë përballur me një situatë shqetësuese për shkak të ekspozimit publik të materialeve të një çështjeje që lidhet me sigurinë kombëtare.

Ai kritikoi atë që e cilësoi si kthimin e të dhënave të hetimit në objekt diskutimi publik, duke argumentuar se një institucion me ndjeshmëri të lartë nuk duhet të përfshihet në debate të bazuara në informacione të pakonfirmuara.

“Sapo jam kthyer nga New York ku, siç e dini, përfaqësova Shqipërinë në OKB. Vendosa të drejtohem menjëherë nga aeroporti ‘Nënë Tereza’. Zhvillimet e fundit, pas vendosjes së masës së arrestit shtëpie për ish-drejtuesen e SHISH, kërkojnë adresim të menjëhershëm dhe të drejtpërdrejtë”, tha Rama.

Ai e konsideroi masën e sigurisë një vendim të rëndë, duke e lidhur këtë vlerësim me pozicionin që ka pasur Hyseni dhe me ndjeshmërinë e institucionit që ajo drejtonte.

“Ishte pa diskutim një masë ekstreme po të mbajmë parasysh se bëhet fjalë për ekspozimin e një institucioni shumë kyç. Unë s’kam të drejtën të ndërhyj në përmbajtjen e dosjes dhe çfarë e ka çuar gjykatën ta bëjë. S’e kam bërë më parë dhe as nuk do ta bëj”, deklaroi kryeministri.

Rama theksoi se procesi duhet të vijojë në rrugë gjyqësore dhe se përgjegjësia për përcaktimin e fajësisë apo pafajësisë i takon vetëm drejtësisë.

“Çdo dyshim duhet të hetohet deri në fund. Çdo akuzë duhet të rrëzohet ose të provohet përmes një procesi të paanshëm”, shtoi ai.

Rama: Vlora Hyseni u gjykua publikisht para gjykatës

Në një tjetër pjesë të reagimit, kryeministri foli për mënyrën se si çështja është trajtuar në publik. Ai tha se ish-drejtoresha e SHISH është ekspozuar dhe sulmuar publikisht përpara se të përfundojë procesi gjyqësor.

Rama përdori një gjuhë të ashpër ndaj mënyrës se si informacionet e dosjes kanë qarkulluar në media dhe në rrjetet sociale, duke argumentuar se një person nuk mund të konsiderohet fajtor përpara se gjykata të japë një vendim përfundimtar.

“Nuk mund të linçohet një institucion dhe një ish-drejtuese në këtë farë derexheje. Nuk mund të trajtohen çështjet me thashetheme. Njerëzit nuk mund të shpallen fajtorë pa nisur gjyqi. Vlora Hyseni u linçua përpara se ta gjykojë gjykata”, u shpreh Rama.

Sipas tij, publikimi i materialeve të hetimit ka krijuar një situatë ku të dhënat janë kthyer në objekt diskutimi publik përpara se të shqyrtohen përfundimisht nga gjykata.

Kryeministri theksoi gjithashtu se kundërshtimi i masave të sigurisë duhet të bëhet në institucionet e drejtësisë dhe jo përmes deklaratave politike.

“Çdo masë kufizimi e lirisë nga organi i akuzës, për cilindo qoftë që s’ka imunitet parlamentar, kundërshtohet vetëm në gjykatë dhe jo me opinione dhe as në foltoren e Kryeministrit”, tha ai.

“Një institucion i ndjeshëm u ekspozua ndaj një dëmi të madh”

Rama e zhvendosi vëmendjen edhe te pasojat institucionale të publikimit të materialeve. Sipas tij, përtej përgjegjësisë individuale që mund të përcaktohet nga hetimi penal, ekziston edhe një çështje që lidhet me mbrojtjen e institucioneve të sigurisë.

“Respekti për pavarësinë e drejtësisë nuk do të thotë heshtje edhe kur një shqetësim parimor shfaqet gjatë veprimtarisë së organeve të saj”, deklaroi kryeministri.

Ai shtoi se gjatë procesit të marrjes së masës së sigurisë dhe administrimit të materialeve gjyqësore, një institucion me rëndësi të veçantë është ekspozuar ndaj rrezikut të një dëmi të konsiderueshëm.

“Gjatë marrjes së masës dhe administrimit gjyqësor të dosjes, një institucion me ndjeshmëri të veçantë u ekspozua ndaj potencialit të një dëmi të madh, që mund dhe duhej të ishte parandaluar plotësisht”, tha Rama.

Në vijim, ai iu referua edhe qarkullimit të materialeve në rrjetet sociale përpara se gjykata të vendoste kufizime mbi publikimin e tyre.

“Të dhënat e dosjes hetimore vërshonin nëpër kanale sociale, para se gjykata të urdhëronte kufizimin e publikimit të tyre”, u shpreh kryeministri.

Hetimi i SPAK dhe dosja “AKSHI”

Reagimi i Edi Ramës vjen në një moment kur SPAK po zhvillon hetime që kanë në qendër edhe ish-drejtoren e SHISH, Vlora Hyseni. Sipas dyshimeve të ngritura nga organet e drejtësisë, ajo dyshohet se ka nxjerrë informacion të klasifikuar dhe ia ka përcjellë Ergys Agasit.

Agasi është arrestuar me urdhër të SPAK në kuadër të hetimeve që lidhen me dosjen “AKSHI”.

Rasti ka sjellë një përplasje të fortë mes debatit mbi përgjegjësinë individuale të personave nën hetim dhe shqetësimeve për mënyrën se si janë bërë publike materiale që lidhen me një çështje të ndjeshme për sigurinë shtetërore.

Rama ka bërë të qartë se vendimmarrja mbi përgjegjësinë penale duhet t’i lihet drejtësisë, ndërsa njëkohësisht ka kërkuar reflektim institucional për mbrojtjen e informacionit dhe të vetë SHISH-it.

Kryeministri kërkon që hetimi ndaj ish-drejtoreshës së SHISH të vijojë deri në fund, por ngre shqetësimin për publikimin e të dhënave të dosjes hetimore

Kryeministri Edi Rama ka reaguar për zhvillimet e fundit që lidhen me ish-drejtoreshën e Shërbimit Informativ të Shtetit, Vlora Hyseni, ndaj së cilës Gjykata e Posaçme ka caktuar masën e sigurisë “arrest në shtëpi”, në kuadër të hetimit të SPAK.

Në një deklaratë për mediat, Rama e cilësoi masën si “ekstreme”, duke theksuar njëkohësisht se nuk synon të ndërhyjë në përmbajtjen e dosjes hetimore apo në provat mbi të cilat është mbështetur vendimmarrja e gjykatës.

Sipas kryeministrit, çdo dyshim që lidhet me ish-drejtuesen e SHISH duhet të hetohet deri në fund dhe çdo akuzë duhet të provohet ose të rrëzohet përmes një procesi të paanshëm gjyqësor.

Rama tha se rasti i Hysenit nuk është precedent i parë ku një drejtues i një shërbimi sekret përballet me drejtësinë, por sipas tij, shqetësimi kryesor qëndron te ekspozimi publik i vetë institucionit dhe i materialeve që lidhen me një hetim të ndjeshëm.

“Nuk është hera e parë në historinë e botës që shefi i një shërbimi sekret merret i pandehur, por e para që institucioni i shërbimit sekret bëhet target kombëtar dhe ndërkombëtar thashethemesh mediatike për shkak të mosmarrjes së atyre masave që shtetet marrin”, deklaroi Rama.

Kryeministri nënvizoi se hetimi ndaj Vlora Hysenit i përket ekskluzivisht drejtësisë, ndërsa mbrojtja e SHISH-it nga pasojat që ai i konsideron të panevojshme duhet të jetë përgjegjësi institucionale.

“Hetimi dhe gjykimi i Vlora Hysenit janë detyrë ekskluzive e drejtësisë. Mbrojtja e SHISH dhe jo vetëm, nga çdo dëm i panevojshëm kolateral, është detyrë e gjithë shtetit”, u shpreh ai.

Rama shtoi se ndarja e pushteteve nuk duhet të nënkuptojë shkëputjen e institucioneve nga përgjegjësia për të mbrojtur interesat shtetërore. Për këtë arsye, ai e konsideroi mbledhjen e Këshillit të Sigurisë Kombëtare si një forum ku duhet të diskutohen përgjegjësitë institucionale që lidhen me situatën.

Rama: Partnerët janë shokuar nga publikimi i të dhënave

Një pjesë e rëndësishme e deklaratës së kryeministrit lidhej me publikimin në media dhe në rrjetet sociale të të dhënave që lidhen me dosjen hetimore.

Rama tha se partnerët ndërkombëtarë të Shqipërisë dhe të SHISH janë përballur me një situatë shqetësuese për shkak të ekspozimit publik të materialeve të një çështjeje që lidhet me sigurinë kombëtare.

Ai kritikoi atë që e cilësoi si kthimin e të dhënave të hetimit në objekt diskutimi publik, duke argumentuar se një institucion me ndjeshmëri të lartë nuk duhet të përfshihet në debate të bazuara në informacione të pakonfirmuara.

“Sapo jam kthyer nga New York ku, siç e dini, përfaqësova Shqipërinë në OKB. Vendosa të drejtohem menjëherë nga aeroporti ‘Nënë Tereza’. Zhvillimet e fundit, pas vendosjes së masës së arrestit shtëpie për ish-drejtuesen e SHISH, kërkojnë adresim të menjëhershëm dhe të drejtpërdrejtë”, tha Rama.

Ai e konsideroi masën e sigurisë një vendim të rëndë, duke e lidhur këtë vlerësim me pozicionin që ka pasur Hyseni dhe me ndjeshmërinë e institucionit që ajo drejtonte.

“Ishte pa diskutim një masë ekstreme po të mbajmë parasysh se bëhet fjalë për ekspozimin e një institucioni shumë kyç. Unë s’kam të drejtën të ndërhyj në përmbajtjen e dosjes dhe çfarë e ka çuar gjykatën ta bëjë. S’e kam bërë më parë dhe as nuk do ta bëj”, deklaroi kryeministri.

Rama theksoi se procesi duhet të vijojë në rrugë gjyqësore dhe se përgjegjësia për përcaktimin e fajësisë apo pafajësisë i takon vetëm drejtësisë.

“Çdo dyshim duhet të hetohet deri në fund. Çdo akuzë duhet të rrëzohet ose të provohet përmes një procesi të paanshëm”, shtoi ai.

Rama: Vlora Hyseni u gjykua publikisht para gjykatës

Në një tjetër pjesë të reagimit, kryeministri foli për mënyrën se si çështja është trajtuar në publik. Ai tha se ish-drejtoresha e SHISH është ekspozuar dhe sulmuar publikisht përpara se të përfundojë procesi gjyqësor.

Rama përdori një gjuhë të ashpër ndaj mënyrës se si informacionet e dosjes kanë qarkulluar në media dhe në rrjetet sociale, duke argumentuar se një person nuk mund të konsiderohet fajtor përpara se gjykata të japë një vendim përfundimtar.

“Nuk mund të linçohet një institucion dhe një ish-drejtuese në këtë farë derexheje. Nuk mund të trajtohen çështjet me thashetheme. Njerëzit nuk mund të shpallen fajtorë pa nisur gjyqi. Vlora Hyseni u linçua përpara se ta gjykojë gjykata”, u shpreh Rama.

Sipas tij, publikimi i materialeve të hetimit ka krijuar një situatë ku të dhënat janë kthyer në objekt diskutimi publik përpara se të shqyrtohen përfundimisht nga gjykata.

Kryeministri theksoi gjithashtu se kundërshtimi i masave të sigurisë duhet të bëhet në institucionet e drejtësisë dhe jo përmes deklaratave politike.

“Çdo masë kufizimi e lirisë nga organi i akuzës, për cilindo qoftë që s’ka imunitet parlamentar, kundërshtohet vetëm në gjykatë dhe jo me opinione dhe as në foltoren e Kryeministrit”, tha ai.

“Një institucion i ndjeshëm u ekspozua ndaj një dëmi të madh”

Rama e zhvendosi vëmendjen edhe te pasojat institucionale të publikimit të materialeve. Sipas tij, përtej përgjegjësisë individuale që mund të përcaktohet nga hetimi penal, ekziston edhe një çështje që lidhet me mbrojtjen e institucioneve të sigurisë.

“Respekti për pavarësinë e drejtësisë nuk do të thotë heshtje edhe kur një shqetësim parimor shfaqet gjatë veprimtarisë së organeve të saj”, deklaroi kryeministri.

Ai shtoi se gjatë procesit të marrjes së masës së sigurisë dhe administrimit të materialeve gjyqësore, një institucion me rëndësi të veçantë është ekspozuar ndaj rrezikut të një dëmi të konsiderueshëm.

“Gjatë marrjes së masës dhe administrimit gjyqësor të dosjes, një institucion me ndjeshmëri të veçantë u ekspozua ndaj potencialit të një dëmi të madh, që mund dhe duhej të ishte parandaluar plotësisht”, tha Rama.

Në vijim, ai iu referua edhe qarkullimit të materialeve në rrjetet sociale përpara se gjykata të vendoste kufizime mbi publikimin e tyre.

“Të dhënat e dosjes hetimore vërshonin nëpër kanale sociale, para se gjykata të urdhëronte kufizimin e publikimit të tyre”, u shpreh kryeministri.

Hetimi i SPAK dhe dosja “AKSHI”

Reagimi i Edi Ramës vjen në një moment kur SPAK po zhvillon hetime që kanë në qendër edhe ish-drejtoren e SHISH, Vlora Hyseni. Sipas dyshimeve të ngritura nga organet e drejtësisë, ajo dyshohet se ka nxjerrë informacion të klasifikuar dhe ia ka përcjellë Ergys Agasit.

Agasi është arrestuar me urdhër të SPAK në kuadër të hetimeve që lidhen me dosjen “AKSHI”.

Rasti ka sjellë një përplasje të fortë mes debatit mbi përgjegjësinë individuale të personave nën hetim dhe shqetësimeve për mënyrën se si janë bërë publike materiale që lidhen me një çështje të ndjeshme për sigurinë shtetërore.

Rama ka bërë të qartë se vendimmarrja mbi përgjegjësinë penale duhet t’i lihet drejtësisë, ndërsa njëkohësisht ka kërkuar reflektim institucional për mbrojtjen e informacionit dhe të vetë SHISH-it.