Lirohet Shaqir Alcani/ Djali që punon në bashkinë Tiranë lihet në burg, shpëton Erion Veliaj

Gjykata ka caktuar masën “arrest me burg” për Algert Alcanin dhe Edmir Boçin, dy personat që kanosën dhe kërcënuan biznesmenin që të tërhiqej nga gara për tenderin nga Bashkia Tiranë. Ndërsa për Shaqir Alcanin, gjykata ka vendosur “arrest në shtëpi.”

Sipas Policisë administratori me iniciale E. M. nuk ka pranuar të tërhiqet dhe këta persona e kanë kërcënuar se do të vrisnin atë dhe familjarët e tij.

Shaqir Alcani është pronari i kompanisë “ALCANI SHPK”, ndërsa Algert Alcani, djali i Shaqirit, është punonjës në Bashkinë Tiranë. Kjo kompani ka marrë më shumë se 1.5 milionë euro nga Bashkia ku punon djali i SHaqirit.

Ky rast tregoi edhe se si funksionon fitimi i tenderave në Bashkinë Tiranë dhe hetimet duhet të zgjateshin deri tek Erion veliaj, por askush nuk e vuri ujin në zjarr.