Magjia e Champions League, ndeshje vendimtare mbrëmjen e sotme

Mbrëmjen e kësaj të mërkure zbresin në fushë 18 skuadra për nëntë ndeshjet e dyta të raundit të gjashtë të fazës së grupeve në Champions League. Pikat e para të aksionit shënohen nga ora 18:45 me duelët Qarabag – Ajax dhe Villarreal – FC Copenhagen.

Nga ora 21:00, shtatë duele të tjera mund të jenë vendimtare për secilin ekip në garën për të kapur të paktën vendin e dytë që dërgon në play-off.

Në “Bernabeu” zhvillohet një finale e parakohshme, teksa Real Madridi pret Manchester Cityn. Sipas mediave spanjolle, tensioni mes trajnerit Xabi Alonso dhe klubit ka rritur spekulimet për largim të mundshëm, pas humbjes 0-2 ndaj Celta Vigos. Përballja me skuadrën e Pep Guardiolës mund të vendosë fatet e Alonsos, ndërsa për të mund të konsiderohen edhe kandidatë të tjerë për stolin.

Real Madrid ka 12 pikë pas pesë ndeshjeve, në vendin e gjashtë, ndërsa Manchester City mban vendin e 12-të me 10 pikë. Xabi Alonso mbetet në dyshim për Mbappe, i cili ka një dëmtim në gju, ndërsa mungesat e tjera për “Galaktikët” përfshijnë Alaba, Alexander-Arnold, Camavinga, Carvajal, Eder Militao, Huijsen dhe Mendy.

Nga ana tjetër, Pep Guardiola do të duhet të bëjë pa Kovacic, Phillips, Rodri dhe Stones.

Në Belgjikë, Club Brugge pret kryesuesit e Arsenalit, ndërsa PSG viziton Athletic Bilbaon. Benfica e Jose Mourinhos pret Napolin, ndërsa Juventus e ka detyrim fitoren kundër surprizës Pafos në Torino. Gjithashtu, Dortmund dhe Bodo/Glimt zhvillojnë një duel verdhezi në Gjermani.

Programi i raundit të 6-të – 10 dhjetor 2025:

18:45

• Qarabag – Ajax

• Villarreal – FC Copenhagen

21:00

• Athletic Bilbao – PSG

• Bayer Leverkusen – Newcastle

• Benfica – Napoli

• Club Brugge – Arsenal

• Dortmund – Bodo/Glimt

• Juventus – Pafos

• Real Madrid – Manchester City

Renditja e grupeve mbetet vendimtare për të përcaktuar skuadrat që do të kalojnë në play-off dhe pozicionet finale para fazës së eliminimit direkt.