PSG triumfon në finalen e Uefa Champions League ndaj Arsenal

Paris Saint-Germain ka triumfuar në finalen e madhe të UEFA Champions League, duke mposhtur Arsenalin pas një përballjeje spektakolare që u vendos vetëm pas penalltive.

Ndeshja e zhvilluar në Budapest përfundoi 1-1 në kohën e rregullt dhe shtesë, me Kai Havertz që kaloi i pari në avantazh Arsenalin, ndërsa Ousmane Dembélé barazoi për PSG nga pika e bardhë.

Pas 120 minutave pa fitues, gjithçka u vendos nga goditjet e penalltive, ku skuadra franceze u tregua më e saktë dhe më e ftohtë. Ajo triumfoi 4-3 nga pika e bardhë e 11-metërshave, duke siguruar trofeun më prestigjioz europian për herë të dytë radhazi.

Ky sukses konfirmon dominimin e PSG në Europë, ndërsa për Arsenalin mbetet një finale e hidhur, pasi humb shansin historik për të fituar Champions League për herë të parë.