Makina bie nga ura e Spatharit, tre persona në spital

Një aksident është regjistruar në zonën e urës së Spatharit, ku një automjet ka dalë nga rruga dhe ka rënë në ujë.

Sipas informacioneve paraprake, tre persona që ndodheshin në mjet janë nxjerrë nga automjeti me ndihmën e shërbimeve të emergjencës dhe janë transportuar drejt Spitalit Rajonal të Shkodrës. Fatmirësisht, mësohet se ata ndodhen jashtë rrezikut për jetën.

Në vendngjarje kanë mbërritur menjëherë forcat e Policisë dhe shërbimi zjarrfikës, të cilët po punojnë për zbardhjen e plotë të rrethanave të aksidentit dhe për nxjerrjen e mjetit nga uji.

Shkaqet e rënies së automjetit në ujë janë ende të paqarta dhe pritet që hetimet të hedhin më shumë dritë mbi ngjarjen.