Manjani: Ligji të ndalon, nuk njeh para ruse, amerikane apo kineze

Endri Shabani i Nismës Thurje ka publikuar në rrjetet sociale një projekt që ai e quan Akademi Politike, e cila financohet dhe mbështetet nga nje organizate dhe nga ambasada e Mbretërisë të Bashkuar në Tiranë. Shabani ka shpallur veten kandidat për Bashkinë e Tiranës më 28 shkurt nga partia politike Nisma Thurje.

 Nisma Thurje, është regjistruar si parti politike dhe po bëhet gati për zgjedhjet e 14 majit, kanë ardhur edhe reagimet.

Ylli Manjani, me anë të një postimi në rrjete sociale, shkruan se ligji ynë për Partitë Politike ndalon pranimin e financimeve të huaja.

“Dmth, që të sqarohemi, Ligji ynë për Partitë Politike ndalon pranimin e financimeve të huaja.

E ndalon, pavarësisht nëse paratë janë Ruse, Amerikane, Angleze, Kineze apo ku e di unë ç’ë tjetër.

Dmth të mos kesh marrë para Ruse, por Amerikane apo Angleze nuk të bën të ligjshëm.

Sa për informacion ligjor”, ka shkruar Manjani.