Mazniku reagon ndaj akuzave të PD: Baltës do t’i përgjigjem përmes drejtësisë

I  ftuar në rubrikën “Opinion” në News 24, ai tha se akuzave të PD do t’ju përgjigjet  vetëm përmes institucioneve të drejtësisë, ndërsa shtoi se për këtë çështje, ka dorëzuar dje dokumentet dhe provat në Prokurori.

“Besoj që është gjëja më e duhur për të bërë, të gjithë baltës dhe fakenews është mënyra më e mirë për t’ju përgjigjur përmes institucioneve të drejtësisë, të cilat do të bëjnë transparencë për publikun. Shpjegimet i kam bërë dje në prokurori me prova dhe me fakte. Unë kam zgjedhur të mbeten institucional. Kushdo që është bërë pjesë e baltës dhe të pavërtetës duhet të mbajë përgjegjësi pas daljes së të vërtetës. Rruga që kam ndjekur është ajo e drejtësisë. Unë besoj se kemi të bëjmë me ato raste që i mbyturi kërkon të kapet pas një fije kashte”-tha  ai.