Mblidhen pedagogët, Mark Marku: Është koha t’i tregojmë qeverisë që nuk jemi trupë e vdekur

Këtë mëngjes janë mbledhur Senatet Akademike, ku është diskutuar lidhur me protestën e studentëve, si dhe mbështetjen që pedagogët e Universiteteve të ndryshme, po u japin studentëve.

Gjatë fjalës së tij, Mark Marku, pedagog dhe drejtues i Departamentit të Gazetarisë në Universitetin e Histori-Filologjisë, është shprehur se qeveria ka ndërhyrë në autonominë akademike.

“Ne me VKM-të jemi shndërruar në një universitet pa kurrfarë autonomie. A do ta pranojmë ne këtë? A jemi ne një trupë e vdekur siç shpreson qeveria? Është koha dhe kemi të gjitha mundësitë për të reaguar”, është shprehur Marku.