Media amerikane: Ish presidenti Trump shfrytëzon paditë për të fuqizuar fushatën e tij

Donald Trump, ish-presidenti i SHBA-së, po vazhdon të sfidojë pritshmëritë dhe kryeson listën e kandidatëve të tjerë nga Partia Republikane për zgjedhjet presidenciale të vitit 2024. Ai është përndjekur nga akuzat penale për përpjekje për të përmbysur rezultatin e zgjedhjeve të vitit 2020, por ka shfrytëzuar këto akuza për të fituar mbështetje në fushatën zgjedhore, duke i quajtur ato aktakuza qesharake dhe të motivuara politikisht.

Ndërkaq, rivalët e tij brenda Partisë Republikane, si Guvernatori i Floridës, Ron DeSantis, dhe kryetari i Dhomës së Përfaqësuesve, Kevin McCarthy, kanë shfaqur njëfarë dakordësie me Trump, duke pohuar se akuzat   vijnë nga kundërshtarët politikë që duan të dëmtojnë kandidatin kryesor. Profesori i historisë në Universitetin e Teksasit, Jeremi Suri, sugjeron se kjo mbështetje për Trump mund të vijë nga fakti se sistemi i zgjedhjeve brenda Partisë Republikane favorizon një grup të vogël republikanësh që voton në zgjedhjet paraprake, duke pasur një ndikim të madh në zgjedhjen e kandidatit të partisë për zgjedhjet presidenciale.