Mediat gjermane:Shqiptarët thyejnë skepticizmin ndaj politikës, 10 përqind më shumë votues

Edhe medieve gjermane u ka rënë në sy fakti se në Shqipëri, pjesëmarrja në votime është shumë e lartë.

Agjencia kryesore e lajmeve gjermane, DPA, shkruan se janë mbi 10 përqind më shumë votues në krahasim me vitin 2017.

“Në dritën e një qëndrimi mjaft skeptik të popullsisë ndaj politikës, qytetarët e Shqipërisë po zgjedhin një parlament të ri të dielën. Deri në orën 3 të pasdites, afërsisht 38 përqind e 3.6 milion votuesve me të drejtë vote, kanë hedhur votën e tyre, sipas Komisionit Qendror të Zgjedhjeve. Kjo është 10 pikë përqindje më shumë se në zgjedhjet e fundit të katër viteve më parë. Në atë kohë, pjesëmarja prej 45 përqind në fund të ditës së zgjedhjeve shënoi një rekord të ulët historik”, shkruan agjencia.