Po udhëtonte me autobus kur autorët i bënë pritë dhe e ekzekutuan

Kryebashkiaku i një komuniteti në Meksikën jugore, i cili sapo ishte zgjedhur në zgjedhjet e 2 qershorit, u vra të hënën pranë Acapulco.

Salvador Villalba Flores, pjesë e partisë lokale México Avanza (“Përpara Meksika”, e qendrës së majtë), u vra në autostradën Acapulco-Pinotepa.

Zakonisht viktima shoqërohej nga anëtarë të Gardës Kombëtare. Por sipas gazetës El Sur në momentin qëu vra ishte i pashoqëruar.

Autorët e morën kryebashkiakun e zgjedhur nga autobusi ku udhëtonte dhe e ekzekutuan.

Salvador Villalba Flores vendosi të kandidojë pas vrasjes së mikut të tij Jesus Gonzalez Ríos, lider i të Gjelbërve (Partido Verde) në Copala më 29 qershor 2023.