FIFA i jep “dritën jeshile” Luis Hasës

Mesfushori i talentuar Luis Hasa ka vendosur përfundimisht të përfaqësojë Shqipëria në arenën ndërkombëtare. Vendimi i tij është zyrtarizuar nga FIFA, duke i hapur rrugën largimit nga përfaqësimi i Italia, me të cilën kishte luajtur deri në nivelin U-21.

22-vjeçari, në pronësi të Napoli, po kalon një sezon pozitiv në Carrarese në Serie B, ku është i huazuar. Ai ka regjistruar 25 paraqitje, duke realizuar 5 gola dhe dhënë 3 asiste, shifra që tregojnë rritjen e tij të qëndrueshme.

Karriera e Hasës ka nisur në akademinë e Juventus, ku ai u dallua me ekipet e moshave dhe pati mundësinë të jetë edhe pjesë e skuadrës së parë, ndonëse pa debutuar. Më pas, kartoni i tij u ble nga Lecce, ku regjistroi vetëm një paraqitje në Kupën e Italisë.

Pas eksperiencës me Leçen, ishte Napoli që vendosi të investojë te mesfushori shqiptar, por edhe aty hapësirat kanë qenë të kufizuara, kryesisht duke qëndruar në stol. Në sezonin e kaluar, Hasa ishte pjesë e skuadrës kampione të drejtuar nga Antonio Conte, edhe pse nga mesi i kampionatit e deri në fund nuk mori minuta në fushë.

Tashmë, me vendimin për të përfaqësuar Shqipërinë, Hasa pritet të jetë një alternativë me vlerë për mesfushën kuqezi në të ardhmen.