Qytetarët kujdes nga pantronazhistët e OSHEE

Kryetari i Partisë së Lirisë, Ilir Meta ka akuzuar Qeverinë Rama se ka dështuar në reformat e mëdha, atë të menaxhimit të energjisë elektrike dhe të ujësjellës kanalizimeve.

Sipas Metës prodhimi i KESH në periudhën më të keqe të saj arrin të mbulojë nevojat e konsumtatorit familjar.

Ish-presidenti tha se qeveria dështimet e saj po kërkon t’ia kalojë qytetarëve, duke i mbifaturuar ata.

Meta tha më tej se i bashkohet thirrjes së Konfindustrisë për të rishikuar fashën e energjisë, dhe ajo të jetë në 1200 KW në muaj.

“Prodhimi i KESH edhe në rastin më të vështirë, është i mjaftueshëm për të përballuar të gjithë konsumin e konsumit familjarë në vend.

Kosto nga KESH është  mjaft e lirë, 1.5 lekë, kosto e shitjes nga FSHU është 51 lekë, 41 lekë plus TVSH.

E gjithë kjo situatë që paraqitet si situatë për efekt për konfliktin në Ukrainë, apo të problemeve në kontinent në fakt është si rezultat i dështimit të plotë të çdo lloje reforme në vend në sektorin e energjisë dhe të ujësjellës kanalizimeve.

Kjo është një kosto që qeveria në mënyrë hipokrite do tua kalojë qytetarëve të thjeshtë dhe të pambrojtur.

I bashkohemi thirrjes së Konfindustrias që të rishikohet fasha e mbrojtjes nga 800 KË në muaj, të behet në 1200 KW në muaj. Qytetarët të kenë kujdes nga patranoazhsitët e OSHEE-së për të shmangur tentativat për t’i mbifaturuar”, tha Meta.

“Ndërmarrjet në fushën e energjisë e dini që shkëlqen me dështimet e tyre. Humbjet e OSHEE janë të paktën 23%, ndërkohë që janë investuar mbi 1 miliardë euro për të përmirësuar nivelin e humbjeve.

Kanë dështuar për shkak të korrupsiont pasi humbjet duhet të ishin 6-9 %. Janë 1 miliardë euro që janë hedhur në lumë e në xhepat e korrupsionit të Rilindjes. Situata është shumë e rëndë”, tha Meta.

Ndërsa sa i takon reformës në ujësjellës kanalizime, Meta tha se “me këto rezultate katastrofike, këtu kemi një nga gropat më të mëdha të korrupsinit dhe në fushën e energjisë që duhet ta paguajnë qytetarët e thjeshtë që janë kaq të pambrojtur në këtë krizë ekonomike”.