Berisha i shkon për ngushëllim

Ish-Presidenti i Republikës, Ilir Meta, ka lënë sërish ambientet e paraburgimit për të pritur ngushëllime pas ndarjes nga jeta të babait të tij, Rexhep Meta.

Kreu i Partisë së Lirisë është shoqëruar nga efektivë të Policisë së Burgjeve drejt hotelit ku po zhvillohen pritjet për familjarët dhe të afërmit që po i shprehin ngushëllimet.

Mes figurave politike që kanë qenë të pranishme për t’i qëndruar pranë në këtë moment të vështirë ishte edhe kryetari i Partisë Demokratike, Sali Berisha, i cili u pa duke hyrë në ambientet e hotelit për të ngushëlluar Metën.

Kujtohet se edhe një ditë më parë, Ilir Meta mori leje nga Drejtoria e Përgjithshme e Burgjeve për të marrë pjesë në ceremoninë mortore të babait të tij, e cila u zhvillua në fshatin Çepan të Skraparit.