Meta e komenton nga Shkodra raportin e Venecias: Ia kam lënë në dorë drejtësisë, askusht të mos dalë mbi Kushtetutën
Presidenti Ilir Meta ka folur nga Shkodra për draft-opinionin paraprak të Komisionit të Venecias, i cili i ëhstë dorëzuar vetëm Kuvendit dhe Presidencës. Duke mos komentuar draft-opinionin në brendësi, Meta tha se vetë Venecia e ka shkruar Kushtetutën tonë, gjë të cilën ai siç tha e kishte pohuar më herët.
“Nuk e komentoj se mbi dokument kam pasur një konfidencialitet por unë ua kam thënë që më përpara që Kushtetutën tonë, sidomos për Gjykatën Kushtetuese e ka shkruajtur vetë Venecia”, u shpreh Presidenti.
Sipas Metës, prej 115 ditësh ai ka bërë kallëzim në Prokurori dhe drejtësia do të vendosë.
“Nuk mendoj se kjo është çështje e Venecias sepse Kushtetutën e Shqipërisë Venecia e ka shkruajtur. Kjo ka qenë dhe mbetet që prej 115 ditësh çështje e drejtësisë, e hetimit që të bëjë veprimet e duhura që askush në Shqipëri të mos dalë mbi Kushtetutën dhe ligjin”, shtoi Presidenti Ilir Meta, nga Shkodra.
Keni një histori? Denonco anonimisht, identiteti juaj mbrohet.
Denonco
