Meta: Jemi në fushatë jo për propagandë, po për të ofruar zgjidhje konkrete

Kryetari i Partisë së Lirisë, Ilir Meta, përforcoi sot deklaratën e tij të djeshme se “ne jemi në këtë fushatë jo thjesht për të denoncuar, por për të ofruar zgjidhje konkrete për shqiptarët.

“Partia e Lirisë, – shkroi ai në FB, –  gjithmonë është dalluar për zgjidhjet ekonomike që ofron, që mbron interesat e qytetarëve në radhë të parë, por edhe interesat e sipërmarrësve të ndershëm.

“Ne nuk kemi zgjedhur propagandën, por aksionet dhe zgjidhjet konkrete. Fokusi ynë ka qenë dhe mbetet lufta kundër shpopullimit dhe ne do të bëjmë gjithçka që të rinjtë tanë ta ndërtojnë të ardhmen e tyre në Shqipëri. Bashkë fitojmë!”