Ministri i Brendshëm reagon për vrasjen e policit: Akt kriminal, nuk do të dorëzohemi përballë askujt

Akt kriminal, kështu e quan ministri i Brendshëm, Bledi Çuçi vrasjen e efektivit të policisë, Saimir Hoxha në Lezhë.

Me anë të një reagimi, numri një i rendit në vend thotë se dora e zezë që shtiu mbi policin do të marrë ndëshkimin më të rëndë.

Teksa i shpreh ngushëllime familjes, Çuçi garanton se lufta me krimin është e vazhdueshme dhe kurrsesi që ne nuk do të dorëzohemi përballë askujt

“I tronditur nga lajmi i kobshëm i vrasjes së oficerit të Policisë së Shtetit në Lezhë, Saimir Hoxha. Nuk ishte dashur që Policia e Shtetit të kishte një tjetër dëshmor në luftën e saj të vazhdueshme me paligjshmërinë. Dora e zezë që shtiu kundër tij do të marrë ndëshkimin më të ashpër sipas ligjit. Policia e Shtetit po bën gjithçka duhet në një operacion të gjerë për kapjen e autorit. Sado të kërkoj me kujdes fjalët për të shprehur ngushëllim për familjen Hoxha, zor se mund të gjej të atë të duhurën për të zbutur sadopak peshën e rëndë të këtij akti kriminal. Kurajo dhe forcë brenda vetes! Lufta me krimin është e vazhdueshme dhe kurrsesi që ne nuk do të dorëzohemi përballë askujt. Kurrë!”, thuhet në reagim.

Policia e Shtetit ka vënë në dispozicion 20 mije euro kush jep informacion te sakte qe mund te coje ne arrestimin e autorit te dyshuar Aldo Rama.