Ministri i Brendshëm, Taulant Balla në Shkodër: Të goditen grupet kriminale dhe kultivimi i lëndëve narkotike

Ministri i Brendshëm, Taulant Balla, zhvilloi një takim sot me strukturat drejtuese të Drejtorisë Vendore të Policisë Shkodër. Në takim, ai ka kërkuar që të merren të gjitha masat e nevojshme për mbarëvajtjen e sezonit turistik, si dhe të intensifikohet puna për goditjen e grupeve kriminale dhe pastrimin e alpeve dhe zonave të thella nga kultivimi i lëndëve narkotike. Ai gjithashtu theksoi rëndësinë që strukturat e Policisë të jenë të kujdesshme ndaj fenomenit të ndërtimeve pa leje, veçanërisht në qendrat urbane dhe zonat turistike, duke bërë të qartë se nuk duhet të ketë asnjë tolerim në këtë drejtim.